A Quiroga Bike Marathon regresará en setembro tras o éxito da súa primeira edición
A Quiroga Bike Marathon volve o 19 de setembro de 2026, tras o gran éxito da súa primeira edición, que se celebrou o pasado 7 de setembro e que, no seu debut, contou coa participación de 160 ciclistas.
A competición desenvolveuse en dúas modalidades: a Bike Marathon, cun percorrido de 45 quilómetros e 1.400 metros de desnivel positivo, e a Bike Extreme, que abarcou 67 quilómetros e 2.400 metros de desnivel. Ambas as rutas percorreron espazos emblemáticos do Xeoparque Montañas do Courel, como As Eiras, Terras Negras, Reboledo, o Rego das Forcadiñas e o Alto do Boi.
A organización xa está a traballar na próxima edición desta proba BTT de longa distancia, que promete ser outra gran aventura no corazón do Xeoparque. Próximamente darase a coñecer toda a información sobre os percorridos, inscricións e novidades, polo que se recomenda seguir de cerca as súas redes sociais para non perder ningún detalle.