A Quenlla actuará este sábado no auditorio municipal de Chantada
Este sábado, o auditorio de Chantada será o escenario do concerto de A Quenlla.
A actuación dará comezo ás 19.00 horas e a entrada é libre ata completar a capacidade.
A Quenlla
A Quenlla é un grupo musical que pon unha especial atención na cultura tradicional, asumindo como base a memoria colectiva e, como fundamento histórico, recuperala do abandono e do esquecemento, transmitindo unha versión de moitos feitos que poucas veces se contaron.
Este traballo musical aborda a creatividade musical, a interpretación e a gravación de textos de Martin de Padrozelos, quen se cre que foi o primeiro trobador galego-portugués de finais do século XI con referencia escrita, coa maxia de conservar a música que seguramente se interpretou nesa paisaxe.
Este é un proxecto de amor que recrea a memoria dos textos dun autor primordial na orixe da cultura galega. As dez cantigas incluídas no CD, nove de amigo e unha de amor, son todas obras poéticas do trobador Martin de Padrozelos.
