A Pobra do Brollón pecha o Ciclo Mestre Mateo 2025 coa proxección do documental ‘Aurora’
RibeiraSacraXa
Será este sábado ás 20:30 horas no Local Social da Estación
17 Oct 2025
O Ciclo Mestre Mateo 2025 na Pobra do Brollón chegará ao seu remate este sábado 18 de outubro coa proxección de ‘Aurora’, documental recentemente nominado ao Mellor Documental nos Premios Mestre Mateo. A proxección terá lugar ás 20:30 horas no Local Social da Estación.
A película narra a relación entre Aurora e Area, dúas mulleres de mundos completamente diferentes e con gran diferenza de idade, que establecen un vínculo de intimidade, confianza e conversacións profundas sobre temas como a morte, a familia, a guerra e o papel da muller na sociedade.