A Pobra do Brollón organiza un curso de teatro para nenos

Os nenos e mozos da Pobra do Brollón poderán desfrutar dun curso de teatro os luns e mércores a partir do 3 de abril

A Pobra do Brollón organiza un curso de teatro para nenos e mozos desde os 4 aos 17 anos.

Esta actividade, que será gratuíta, aproximará as e os participantes ao mundo do teatro a partir do xogo dramático.

As clases impartiranse ao longo do ano os luns e mércores en horario de tarde segundo as quendas das idades.

Así, haberá tres grupos: un de 4 a 6 anos, de 16.00 a 17.00 horas; un grupo 7 a 11 anos, de 17.00 a 18.00 horas; e un último de 12 a 17 anos, de 18.00 a 19.30 horas.

Para máis información e inscricións, pódese contactar coa Biblioteca Municipal e no número 982 430 546.