A Pobra do Brollón lanza un programa de visitas guiadas durante o verán
O Concello da Pobra do Brollón lanza un programa de visitas guiadas durante os meses de verán que se desenvolverá entre o 21 de xullo e o 14 de setembro, a través do que os participantes poderán coñecer o castro de San Lourenzo o xacemento de Penas do Castelo, a Cova das Choias e as adegas medievais e miradoiro de Vilachá de Salvadur.
Para participar nas actividades de ‘Déixate Guiar 2025’ será necesario facer reserva previa a través do teléfono 603 965 082.
As visitas ao Castro de San Lourenzo serán os luns as 18:00 horas e os martes e mércores ás 11:00 horas. Para visitar Penas do Castelo, ofértanse guías ás 11:00 horas os luns e os xoves, e os venres ás 18:00 horas, mentres que a Cova das Choivas poderá visitarse os martes e xoves ás 18:00 horas. Para as adegas e miradoiro de Vilachá, as visitas serán os mércores ás 18:00 horas e os venres ás 11.00 horas.