A Pobra do Brollón convoca un concurso de fotografía de Entroido
![oso salcedo pobra brollón entroido](https://ribeirasacraxa.com/wp-content/uploads/2021/02/oso-salcedo-pobra-brollon-entroido-1.jpg)
A actual situación sanitaria que estamos a vivir está obrigando aos concellos a redeseñar os actos de celebración do Entroido. O Concello da Pobra do Brollón non quere que se perda tampouco o espíritu desta data e convoca un concurso virtual de fotografía.
As persoas interesadas en participar poden enviar a súa fotografía do Entroido, de calquera ano, antes do 12 de febreiro, á dirección de correo electrónico comunicacion@concellodapobradobrollon.gal ou ao whatsapp 650.435.832.
Poden presentarse fotografías de calquera aspecto da celebración do Entroido: dos compadres e comadres, do desfile de disfraces, do Oso de Salcedo... tanto da propia festa como mesmo dos preparativos.
As imaxes que se presenten a este certame compartiranse nas redes sociais do Concello, e aquelas que obteñan máis 'gústame' e sexan compartidas máis veces, serán as gañadoras.