A Pobra do Brollón abre a convocatoria para participar no Mercado Circular de Nadal

As persoas interesadas en poñer un posto deben presentar a súa solicitude antes do 12 de decembro

O Concello de A Pobra do Brollón abre a convocatoria para participar no Mercado Circular Edición Nadal, que terá lugar o 28 de decembro. Esta iniciativa municipal busca fomentar o consumo local e sostible, dando prioridade a produtos de artesanía, da terra ou de segunda man.

As persoas interesadas en poñer un posto deben contactar antes do 12 de decembro no teléfono 629865663, preferiblemente por WhatsApp.

O Mercado Circular é unha oportunidade para apoiar a economía local e promover prácticas máis respectuosas co medio ambiente que cada ano organiza o Concello da Pobra do Brollón.