A Pobra de Trives prepara unha semana cargada de actividades para o Nadal
O Concello de A Pobra de Trives organiza unha programación especial para estas festas, con diversas propostas que abranguen desde obradoiros ata concertos e visitas dos personaxes máis esperados do Nadal.
As actividades comezan o 22 de decembro cun obradoiro de fabricación de candeas con mel de cera laminada, que terá lugar na Casa da Cultura de 11:30 a 12:30 horas.
O día 23 haberá a presentación dos libros de Alejandra Techera na igrexa de Santa Leonor ás 12:00 horas, seguida pola inauguración do Belén de Elías no CEIP Manuel Bermúdez Couso ás 17:00 horas. Este belén estará aberto ao público todos os días (agás o 25 de decembro e o 1 e 6 de xaneiro) en horario de 17:00 a 19:00 horas. Esa mesma tarde, ás 19:00 horas na Praza do Concello, celebrarase a Gala Farolillos Solidarios, onde se poderá entregar un quilo de alimentos a cambio dun farolillo.
O 24 de decembro, Papá Noel percorrerá as rúas de Trives, rematando a súa visita coa recepción na Praza do Pilón ás 18:00 horas.
Xa o día 26 terá lugar a tradicional despedida do ano coas Prebadaladas na Praza do Reloxo ás 20:00 horas, con uvas, badaladas e actuación musical de Alberto Cunha.
O 27 de decembro o Auditorio Julio Vázquez acollerá o concerto do pianista local Fabio Álvarez ás 19:00 horas.
O 29 de decembro está prevista unha excursión a Pazolandia, con saída do Concello ás 9:00 horas e regreso ás 15:00 horas.
O mes de xaneiro comezará coa continuación do Torneo de Fútbol Sala, e o día 3 ás 18:00 horas terá lugar o Concerto de Reis no Auditorio Julio Vázquez, protagonizado polo Orfeón de Trives.
O 4 de xaneiro será a final do Torneo de Fútbol Sala, e o 5 de xaneiro as SS.MM. Os Reis Magos percorrerán as rúas de Trives para celebrar a súa chegada tras a súa longa viaxe desde Oriente.