A Pobra de Trives festexa este luns a súa Gala Solidaria de Faroliños Voadores
RibeiraSacraXa
Os participantes poderán recoller o seu faroliño entregando un quilo de alimentos
23 Dec 2024
O Concello da Pobra de Trives festexa este luns, 23 de decembro, a súa Gala Solidaria de Faroliños Voadores. A iniciativa ten como obxecto recoller alimentos para as familias máis necesitadas da vila.
Os participantes poderán recoller o seu faroliño entregando un quilo de alimentos, que posteriormente serán repartidos ao Banco de Alimentos da Pobra de Trives.
A cita arrancará ás 19.00 horas na Praza do Concello e encherá o ceo de luz grazas á colaboración de todos os veciños e veciñas.