A Pobra de Trives acollerá unha ruta pola Mina de Ouro Romana dos Biocos
Surbia Natura, en colaboración cos concellos de A Pobraa de Trives e San Xoán de Río organizan este sábado 30 de agosto unha actividade única que combina natureza, cultura e gastronomía.
A xornada inclúe unha ruta de sendeirismo pola Mina de Ouro Romana dos Biocos, cun percorrido de 9 km de dificultade moderada, que permitirá aos participantes coñecer paisaxes e a historia da zona.
Tras a ruta, haberá unha degustación de produtos locais na Cantina do Catro, que ofrecerá unha oportunidade de probar o mellor da gastronomía da comarca. Ademais, os asistentes poderán participar nunha aventura interactiva con misterio: o Scape Vila en A Pobra de Trives, titulado “Os Antollos da Marquesa”.
As persoas interesadas poden inscribirse a través do correo electrónico inscripciones@surbia.es, combinando así natureza, acción, cultura e gastronomía nunha xornada completa.