A Pobra de Brollón abre o proceso para adxudicar a xestión do quiosco de Sanugueiros

O período de apertura do quiosco será dende o 1 de xuño ata o 30 de setembro, entre as 15:00 e as 21:00 horas como mínimo, podendo establecer un día de descanso semanal.

Fontes municipais explican tamén que se poderá establecer unha zona de terraza duns 40 metros cadrados, e lembran que a xestión do quiosco implica ademais a limpeza do local, das inmediacións e do aseo da instalación.

As ofertas deben presentarse no Rexistro xeral do Concello da Pobra do Brollón antes das 14.00 horas do vindeiro 15 de abril. A presentación de proposicións presume a aceptación das cláusulas contidas no prego de condicións, que está publicado no taboleiro de anuncios da sede electrónica.