A parroquia de Camporramiro, en Chantada, celebra a súa XV Festa do Torrisco

Será os vindeiros 14, 15 e 16 de agosto, comezando o día 14 co concerto de Searas e verbena a cargo do grupo Tormenta

A parroquia de Camporramiro, en Chantada, celebra a súa XV Festa do Torrisco os vindeiros 14, 15 e 16 de agosto, comezando o día 14 co concerto de Searas e verbena a cargo do grupo Tormenta.

Pola súa parte, o día 15 de agosto ás 13.00 horas haberá misa solemne, procesión e sesión vermú coa Banda de Lourenzá e á tarde, sobre ás 18.00 horas, terá lugar o campionato de Tute e verbena a cargo de Nuevo Milenio.

Finalmente, o día 16 ás 13.00 horas será de novo a misa solemne, procesión e sesión vermú con Os Barrios e Verbena a cargo do trío Vaivén. Ademais, todos os días haberá inchables para os nenos.