A Librería Agrasar acollerá unha firma de libros con Ledicia Costas
A Librería Agrasar de Monforte acollerá este venres, 18 de marzo a firma de libros con Ledicia Costas. Estará na segunda planta da librería de 16.30 horas a 18.30 horas, charlando cos lectores e asinando os seus libros.
Para celebrar a súa visita, sortearase un pack cos seus dous últimos libros publicados: "Golpes de Luz" e "Ou neno de lume" asinados por ela.
O sorteo realizarase entre os asistentes que vaian á firma do venres. Cubrirán e introducirán un papel cos seus datos nunha urna. O día 19 de marzo, anunciarán o gañador a través das redes sociais e poñeranse en contacto con el para comunicarllo.
Ledicia, viguesa distinguida, recompila numerosos premios polas súas obras infantís e xuvenís destacando o Premio Nacional de Literatura Infantil e Xuvenil en 2015 pola obra Escarlatina, a cociñeira defunta.
Coa novela de aventuras Verne e a vida secreta das mulleres planta conseguiu o Premio Lazarillo de creación literaria no 2015. No 2017 volve gañar ese mesmo galardón coa novela A balada dos unicornios, converténdose na única autora galega en lograr en dúas ocasións este recoñecemento.
Recentemente gañou o Premio Merlín de Literatura Infantil 2021 con Ou neno de lume, recentemente publicado por Xerais.
No ano 2019 publica o seu primeiro libro destinado ao público adulto titulado "Infamia" , un thriller psicolóxico que tivo unha gran acollida.
O éxito que está a ter coa súa última novela para adultos, "Golpes de Luz" (2021), corrobora que Ledicia afiánzase como unha das escritoras máis influentes da literatura galega contemporánea xa non só en publicacións infantís senón tamén para adultos.