A II Festa Foliada da Santa Mariña desenvolverase na Praza do Cantón de Chantada este sábado
RibeiraSacraXa
Diversos grupos musicais e tradicionais participarán desta xornada festiva no sur de Lugo
28 Xuño 2024
A Praza do Cantón de Chantada acolle a II Festa Foliada da Santa Mariña este sábado, 29 de xuño.
Así, todo comezará a partir das 13.00 horas coa sesión vermú, que estará amenizada polos grupos musicais Os Barrios e Searas para o desfrute das persoas que se acheguen, para logo pasar ao xantar popular ás 14.00 horas.
Xa pola tarde, terá lugar a tradicional partida de tute a partir das 16.00 horas e ás 17.00 horas terá lugar a sobremesa gaiteira, na que se contará con Acadamudecha, Dakidoasma, Os Afogapalletas, Os Barrios e Searas.
Xa pola noite, a partir das 21.00 horas, será o concerto de Ailá e xa ás 22.30 horas terá lugar a foliada aberta para todas as persoas interesadas.