A grúa instalada na rúa Ferrol de Monforte foi retirada polo Concello
O alcalde de Monforte, José Tomé Roca, ven de informar que, logo do acordo adoptado en Xunta de Goberno o pasado 21 de marzo, o Concello obrigou á empresa Otero Aldao SL á retirada da grúa instalada na rúa Ferrol, retirada que foi levada a cabo na tarde do xoves 31 de marzo.
Da mesma forma, o Alcalde precisou que “tras a retirada do guindastre, queda por retirar o silo en dita rúa Ferrol. Se a empresa non o fai, o Concello procederá a súa retirada, de forma subsidiaria, e repercutiralle os gastos que supoña esta acción ó promotor da obra”.
A grúa fora instalada nos números 14 e 15 da rúa Ferrol pola empresa Otero Aldao SL, que en setembro de 2007 solicitara ó Concello unha licencia para acometer a construción dun edificio.
Antecedentes
A Xunta de Goberno Local de Monforte, con data 27 de setembro de 2007, adoptou o acordo de concesión de licenza á empresa Otero Aldao SL para a construción dun edificio composto de sótano, pranta baixa, tres prantas altas, ático e baixo cuberta para 23 vivendas na rúa Ferrol, nos números 14 e 15.
O 30 de maio de 2013, logo dun informe evacuado polos axentes da cidadanía no que daban conta da existencia dunha grúa sen licenza de instalación no número 13 da rúa Ferrol e que podía supoñer un “perigo para a seguridade das persoas e cousas”, a Xunta de Goberno Local acordou incoar expediente contra dita empresa para a retirada da grúa. E o 25 de outubro dese mesmo ano volvíaselle requirir a retirada de dita grúa, ante o que a empresa presentou alegacións, o 21 de xuño de 2013. O informe de Secretaría incidía en que “das alegacións presentadas despréndese que non existiu acordo algún de concesión da licencia de grúa”.
En novembro de 2016, o Concello acorda prorrogar a licencia da obra por 3 anos, prazo que remata en novembro de 2019, e nese período a empresa tampouco tramita a solicitude de licencia de instalación da grúa, para dar cumprimento ó acordo da Xunta de Goberno de data 25 de outubro de 2013. No informe presentado por entón polo Xefe dos Servizos á cidadanía indicaba que a grúa foi “desmontada e hoxe na actualidade encontrase no mesmo lugar en dúas pezas sen actividade, con un depósito de yesos e nunha situación de abandono e deterioro importantes”.
Logo do acordo tomado pola Xunta de Goberno do 21 de marzo de 2022, no que se instaba a proceder á execución subsidiaria da retirada da grúa e elementos anexos á mesma se a empresa Otero Aldao SL non a retiraba, finalmente foi retirada.