A feira do Viño de Vilachá elixiu o seu cartel oficial

A artista gañadora do primeiro Concurso de Carteis da Feira do Viño de Vilachá foi Carmen Taboada Rodríguez

Cartel da XXXII Feira do Viño de Vilachá

A feira do Viño de Vilachá elixiu o seu cartel oficial para a súa trixésimo segunda edición, que se celebrará a primeira fin de semana de maio, os días 2, 3 e 4.

O cartel gañador, que foi seleccionado por primeira vez a través dun concurso, é obra de Carmen Taboada Rodríguez, cun deseño debuxado a man representando os elementos máis icónicos da Feira: as adegas da Abelaira, a música e por suposto, o viño.

Ao concurso presentáronse un total de 11 prospostas chegadas de diferentes puntos de dentro e fóra Galicia. O cartel gañador recibirá un premio de 200 euros.