A escritora Yolanda Álvarez presentará o libro infantil ‘Zapato e Bota’ en Chantada
A Biblioteca Municipal de Chantada acolle este sábado, 5 de abril, a presentación do libro ‘Zapato e Bota’, da escritora bovedana, Yolanda Álvarez Castro. Con esta actividade o Concello de Chantada conmemora o Día do Libro Infantil e Xuvenil, que a pesar de ser é o día 2, celébrase este sábado para poder contar coa música en directo que acompaña a esta presentación.
Yolanda Álvarez é escritora, poetisa e profesora de baile e preséntase principalmente como “nai de dous nenos, Theo e Thai, que son os verdadeiros artífices de todos os maravillosos mundos aos que viaxo cada vez que escribo un conto”. Estreouse na literatura infantil no 2023 co conto “O Misterio do Tulipán”, a historia de superación da formiga Margarida, con tres edicions e con máis de 800 ejemplares vendidos. O libro que trae a Chantada presentouse a mediados de decembro do pasado ano. A cita na Biblioteca Municipal de Chantada destínase a público infantil e familiar e será a partir das 12:00 horas.