A Escola Municipal de Música Samoeiro comezou un novo curso

Canto e pandeireta, baile tradicional, música e movemento ou acordeón son algunhas das materias impartidas este curso

Clase de pandeireta na Escola Municipal de Música O Samoeiro

O novo curso da Escola Municipal de Música Samoeiro arrancou o pasado luns coas primeiras clases para a tempada 2025/2026. As primeiras sesións centráronse en pandeireta, canto e baile tradicional, mentres que ao longo do resto da semana tiveron lugar os primeiros encontros das demais materias.

A escola ofrece ao longo do curso clases de canto e pandeireta, baile tradicional, música e movemento, acordeón, iniciación á música tradicional, percusión tradicional, gaita e canto coral. O seu obxectivo é promover o folklore, a cultura e a convivencia, nun ambiente cargado de tradición e aprendizaxe musical.