Axenda

Será ás 18:00 no Centro Sociocultural de Sober

A Escola Municipal de Música de Sober celebrará este domingo, 14 de decembro, o seu tradicional Festival de Nadal, un evento que este ano cobra especial relevancia ao coincidir co festexo do medio século de vida da escola, unha das institucións culturais máis emblemáticas do municipio.

O festival contará coas actuacións da Banda da Escola Municipal de Música de Sober, da Banda de Música de Sober e do Coro Berea, que ofrecerán un programa especial para conmemorar estes 50 anos de traxectoria formando novas xeracións de músicos e contribuíndo á vida cultural do concello.

O evento terá lugar ás 18:00 horas no Centro Sociocultural de Sober e a entrada será libre e gratuíta.