A DO Ribeira Sacra supera xa o millón de quilos de uva recollidos na vendima
A Denominación de Orixe Ribeira Sacra rexistrou a data de hoxe, 15 de setembro, a recollida de 1.017.279 quilos de uva, con un total de 54 adegas activas, 3 xa finalizadas e 35 pendentes de iniciar a campaña.
No que respecta ás variedades tintas, a Mencía é a predominante con 459.639 quilos, seguida de Sousón (23.841 kg), Merenzao (22.290 kg), Garnacha (9.035 kg), Brancellao (2.806 kg), Mouratón (822 kg), Caiño (651 kg) e Tempranillo (120 kg). Pola súa banda, as uvas brancas alcanzan os 498.075 quilos, con Godello liderando a colleita con 450.839 quilos, seguida de Treixadura (26.160 kg), Albariño (10.756 kg), Branco Lexitimo (6.656 kg), Dona Branca (2.841 kg) e Torrontés (823 kg).
Así o comunicou o Consello Regulador da DO Ribeira Sacra, que subliña que a actualización semanal dos datos responde ao seu compromiso coa transparencia, e destacan a importancia da vendima no desenvolvemento económico da Ribeira Sacra.