A Deputación destina preto de 300.000 euros para a mellora de estradas en Bóveda
RibeiraSacraXa
En concreto, as actuacións levaranse na conexión entre Bóveda coa autonómica LU-611 pola Raíña e na estrada que vai entre Rubían e Mosteiro Vello desde a LU-P-0907
LU-611, imaxe de Google Maps
28 Dec 2024
A Deputación de Lugo destinará un total de 297.908,10 euros para a mellora de dúas estradas en Bóveda. Os traballos centraranse na estrada que vai de Rubián desde a LU-P-0907 ata Mosteiro Vello por Vilarbuxán, e a que conecta Bóveda coa autonómica LU-611 pola Raíña.
No primeiro caso actuarase desde o inicio da vía ata o punto quilométrico 5,477; e no segundo no treito que vai desde o 0,175 ata o7,453. Os traballos consistirán na reapertura de cunetas, limpeza de drenaxe, reparación de desperfectos e repavimentación. O prazo de execución será de dous meses desde o comezo das obras.