A Coral de Bóveda deleitou ao público nun festival de corais en Pravia
![Coral de Bóveda](https://ribeirasacraxa.com/wp-content/uploads/2023/06/Coral-de-Boveda.jpg)
A Coral Polifónica Municipal de Bóveda participou, por primeira vez no festival de corais en Pravia, Asturias, este sábado, no que tamén formaron parte a Coral de Renfe de Monforte e a Coral Santiago López de Pravia.
Durante o evento, catorce persoas, sete homes e sete mulleres, uniron as súas voces para cantar ao unísono cancións que deixaron aos asistentes en silencio durante varios minutos, nos que a Coral de Bóveda recreou sons melódicos a través das súas cordas vogais.
Antoaneta Evdosieva, directora da Coral de Bóveda, resaltou o "resultado fantástico" da participación neste evento e anunciou que xa están preparando novas actuacións para citas de interese das que irán informando para que as persoas interesadas en deleitarse coa súa actuación, poidan facelo.