A Casa da Cultura de Taboada acolle a presentación do libro 'Simboloxía do románico de Taboada'
Esta tarde, ás 18.00 horas, preséntase na Casa da Cultura de Taboada o libro 'Simboloxía do románico de Taboada', de Xosé Lois García, editado polo Servizo de Publicacións da área de Cultura da Vicepresidencia da Deputación de Lugo.
A deputada Iria Castro acompañará ao autor chantadino, que cualifica o románico de Taboada “como un dos máis interesantes do centro de Galicia” e que exporá o contido da publicación, centrada na iconografía das igrexas románicas taboadenses: Taboada dos Freires, San Xián do Campo e Castelo, as tres con elementos característicos do obradoiro do mestre Pelaxio, Piñeira, Bembibre, Cerdeda e Bouzoa.
A responsable provincial explicou que “é primordial contar con materiais divulgativos para que esta riqueza patrimonial chegue a todas as persoas e se propicie a súa protección. O coñecemento é base para dispór políticas transversais de preservación e posta en valor do patrimonio”.