A casa da Cultura de Chantada modifica os horarios durante o verán

Os cambios afectarán tamén á Biblioteca Municipal

A Casa da Cultura de Chantada varía os horarios dos distintos servizos que acolle para adaptarse á tempada de verán. Así, desde o 1 de xullo, a Oficina de Turismo abrirá de luns a venres en horario de 10:00 horas a 14:00 horas e de 16:00 horas a 18:00 horas. Nas fins de semana e festivos, o horario será de 10:00 horas a 14:00 horas.

Por outra parte, a Biblioteca Pública Municipal abrirá as súas portas de luns a venres en horario de 9:00 horas a 15:00 horas. Os usuarios da sala de estudo poderán usar as instalacións nos horarios de tarde, fins de semana e festivos da Oficina de Turismo.