A Casa da Cultura de Chantada acollerá este xoves a presentación da nova novela da xornalista Julia Varela
A Casa da Cultura de Chantada acollerá este xoves, 5 de febreiro, ás 18:30 horas, a presentación de 'Todo por hacer', a nova novela da xornalista Julia Varela.
A autora, con raíces en Chantada e máis de dúas décadas de traxectoria en RTVE, é coñecida por ser a voz de Eurovisión desde o ano 2015.
Varela naceu en Pontevedra e vive en Madrid, pero regresa sempre que pode á terra do seu pai, no concello de Chantada. A súa vinculación con esta localidade quedou patente cando no ano 2015 foi a pregoeira das Festas Patronais de Chantada.
En 2019 debutou na novela coa obra 'Por que me pido un gin tonic se non me gusta?' e agora presenta unha nova historia intimista sobre a perda dunha nai, a morte, o dó e o camiño percorrido entre ausencias e feridas, pero tamén con optimismo e luz, na que a xornalista pasea por Belesar e polas ribeiras do Miño.
Durante a presentación, aberta a todo o público que queira asistir, a autora estará acompañada polo tamén xornalista Daniel Galindo.