A campaña ‘Galicia sabe Amar’ chega a Carballedo

Haberá unha degustación gratuíta de petiscos realizados a base de produtos do mar e da terra que terá lugar na Praza dos Pulpeiros durante este domingo

A campaña ‘Galicia sabe Amar’ chega este domingo a Carballedo, cunha degustación gratuíta de petiscos realizados a base de produtos do mar e da terra que terá lugar na Praza dos Pulpeiros de Castro entre as 11.30 e as 14.30 horas.

‘Galicia sabe Amar’ é unha campaña da Xunta de Galicia, para animar á cidadanía a consumir produtos do mar, impulsar a súa venda e poñer en valor o labor dos profesionais da pesca e do marisqueo . Neste 2024 a iniciativa sóbese ás catro rodas a través de catro foodtrucks que levarán o sabor das rías galegas.