A Biblioteca Municipal de Chantada acollerá este luns un concerto a cargo de Francisco Castro

Francisco Castro é principalmente recoñecido pola súa extensa produción literaria, e agora presenta la biblioteca a súa faceta como músico e compositor

O luns 24 de novembro, ás 18:30 horas, a Biblioteca Pública Municipal de Chantada acollerá un concerto de Francisco Castro, aberto a todos os públicos.

Francisco Castro é principalmente recoñecido pola súa extensa produción literaria, da que a biblioteca conta cunha boa mostra. Ademais, é docente, editor e agora tamén músico e compositor.

Durante a súa visita, realizarase un encontro con el na sesión deste mes do Club de Lectura Ás Cinco.