A Biblioteca Municipal da Pobra do Brollón contará con actividades para os máis pequenos durante o Nadal
RibeiraSacraXa
Con estas actividades, o Concello da Pobra do Brollón pretende facilitar a conciliación durante as vacacións entre as familias do municipio
Biblioteca de Sober
12 Dec 2024
A Biblioteca Municipal da Pobra do Brollón acollerá durante este Nadal unha serie de obradoiros dirixidos aos nenos e nenas do municipio, que terán lugar os días 23, 26, 27 e 30 de decembro.
Con estas actividades, o Concello da Pobra do Brollón pretende facilitar a conciliación durante as vacacións de Nadal entre as familias. Os nenos e nenas poderán gozar de actividades artísticas, lúdicas e educativas na Biblioteca municipal 'Antonio Reboiro', en horario de 8.00 a 13.15, durante as vacacións.
O prazo para anotarse estará aberto ata o vindeiro venres, 20 de decembro, no teléfono 982 430 546.