A Biblioteca da Pobra do Brollón inicia en novembro un Club de Lectura

As persoas interesadas en participar poderán anotarse ata o 7 de novembro

A Biblioteca Pública Municipal Antonio Reboiro da Pobra do Brollón pon en marcha a partir de novembro un club de lectura aberto a todas as persoas maiores de 14 anos.

Os interesados en participar deben anotarse na Biblioteca antes do mediodía do venres 7 de novembro, ben de xeito presencial ou chamando ao 982 430 546.

O club estará moderado por Sergio Rodríguez González, e a primeira xuntanza celebrarase o luns 10 de novembro. A lectura escollida para esta primeira sesión será ‘La casa de Mango Street’, de Sandra Cisneros.