A Aula de Natureza do Courel acolle un obradoiro infantil o xoves
![miniatura courel aula natureza obradoiro](https://ribeirasacraxa.com/wp-content/uploads/2021/03/miniatura-courel-aula-natureza-obradoiro.jpg)
A Aula da Natureza do Courel, en Moreda, está a organizar o obradoiro infantil 'Natureza, arte e xogo', que se levará a cabo o vindeiro xoves, 1 de abril, de 11.00 a 14.00 horas. A actividade vai dirixida a nenos e nenas de 4 a 12 anos.
O obradoiro é de balde e as prazas son limitadas. Para participar, é preciso inscribirse chamando ao teléfono 669 90 60 30 ou a través do correo aulademoreda@gmail.com.
A aula da natureza reabriu esta fin de semana as súas portas, despois de permanecer pechada desde finais do mes de xaneiro por mor das restricións sanitarias fronte á covid.
Deste xeito, o centro volve ofrecer información sobre o medio natural e o patrimonio etnográfico da serra do Courel en horario de 10.30 a 14.00 horas e de 16.00 a 19.00 horas. A instalación, que conta con paneis explicativos e diversos materiais, só poderá ser visitada por un máximo de catro persoas ao mesmo tempo.
Desde a aula da natureza, que depende a Consellería de Medio Ambiente, Territorio e Vivenda, organízanse actividades divulgativas e de lecer, obradoiros de educación ambiental como o que se levará a cabo o vindeiro xoves, e mesmo roteiros guiados pola contorna.
![courel aula natureza obradoiro](https://ribeirasacraxa.com/wp-content/uploads/thumbs/2021/03/courel-aula-natureza-obradoiro-200x282.jpg)