A asociación Lar da Cima-Raíz e Semente impulsa xornadas de plantación de árbores autóctonas no Courel
A asociación Lar da Cima-Raíz e Semente está a organizar no Courel unhas xornadas de plantación de árbores autóctonas co obxectivo de dar saída ás especies adquiridas e avanzar na recuperación e coidado do medio natural.
A entidade fai un chamamento á participación cidadá para sumar mans nunha acción colectiva centrada na protección do territorio e na creación dun maior impacto ambiental positivo.
As persoas interesadas en participar poden manifestar a súa disposición deixando o seu correo electrónico para recibir o formulario de inscrición ou, no caso de preferir non facilitalo de maneira pública, indicando simplemente o seu interese.
Dende a asociación salientan que canto maior sexa o número de persoas implicadas, maior será tamén o alcance do traballo realizado e o beneficio para o entorno natural do Courel.