A Asociación de Desenvolvemento Rural Serra do Courel organiza catro roteiros guiados este outono

As saídas terán lugar entre o 11 de outubro e o 2 de novembro

A Asociación de Desenvolvemento Rural Serra do Caurel, en colaboración coa Área de Medio Rural da Vicepresidencia da Deputación de Lugo, organiza un ano máis, neste outono, catro roteiros guiados que permiten dar a coñecer as paisaxes que orixinan os alimentos que se producen artesanalmente na Serra do Courel. Ao rematar cada roteiro, os participantes poderán degustar estes produtos da man das artesás e artesáns que os elaboran.

As saídas comezan o 11 de outubro con 'O sabor dos prados. Louzarela' e continúan o 12 de outubro co roteiro 'Os Froito. Caminos de Folgoso'. Xa en novembro, o 1 terá lugar 'O mel. Mercurín' e o 2 'A Castaña. Mostaz'.