Quiroga repartiu este domingo máis de 1.300 euros en premios no concurso-desfile de comparsas de Entroido
RibeiraSacraXa
Un total de 13 comparsas e máis de 300 persoas despidiron o Entroido de Quiroga
23 Feb 2026
O Concello de Quiroga celebrou este domingo o concurso-desfile de comparsas de Entroido, no que participaron trece comparsas e sete disfraces individuais, sumando máis de 300 persoas.
O desfile comezou na rúa Piscinas e percorreu a rúa Real ata a Casa Consistorial, onde rematou cun baile de disfraces animado pola charanga CLK, acompañado dunha invitación a chocolate con churros para os asistentes.
En canto aos premios, o primeiro posto do concurso levou 600 euros, o segundo 400 euros e o terceiro 300 euros, mentres que o resto de comparsas recibiu 100 euros en axudas. Ademais, entregouse un premio de 60 euros ao mellor disfraz individual, sumando un total de 1.360 euros en premios repartidos ao longo da xornada.