Os maiores do Centro Social de Quiroga puxeron fin ás festas do Entroido na vila
RibeiraSacraXa
Os usuarios do Centro Social e do Centro de Día da Ribeira protagonizaron a derradeira xornada do Entroido de 2025 no municipio
Merenda de Entoido no Centro Social de Quiroga
5 Mar 2025
Os maiores do Centro Social de Quiroga foron os encargados de poñer fin ao Entroido de 2025 na vila, cunha merenda con orellas de entroido e chocolate para os seus socios e socias. Tamén os usuarios do Centro de Día da Ribeira desfrutaron destes doces típicos do entroido acompañados de chocolate.
Ata as instalacións achegouse o concelleiro de Servizos Sociais, Xosé Manuel Fernández, así como os tamén concelleiros Luis Manuel Arias e Maite Pérez.
Pola súa conta, os nenos e nenas tamén gozaron cunha xornada dedicada a eles que tivo lugar o luns no Centro Social e que foi organizada polo Concello. Vestidos cos seus disfraces, os máis pequenos do concello desfrutaron dunha merenda con xogos e música a cargo da man do DJ local, DJ Michel.