O escolta Seikhou Konte inrcopórase ás filas do CB Chantada
O Ucoga Seguros CB Chantada incorpora nas súas filas a Seikhou Konte Sylla, escolta catalán de 24 anos e 1,90 m de altura, nacido en Granollers (Barcelona).
O novo xogador chega procedente do Bosco Salesianos Ourense, equipo no que militou a pasada campaña, e conta cunha ampla experiencia na Tercera FEB tras pasar por conxuntos como o Caja Rural Zamora (23-24) ou o Gijón Básket (22-23).
Na súa traxectoria na competición, Seikhou asinou unhas medias destacadas: 9,5 puntos por encontro, cun 52% de acerto en tiros de dous, 24% en triplas, ademais de 4,6 rebotes, 1,6 asistencias e 1,2 recuperacións por partido. Trátase dun xogador moi físico, intenso e cunha gran capacidade de traballo, cualidades que agora se poñerán ao servizo do equipo baixo a dirección de Fafián e Albertito.
Con esta fichaxe o equipo continúa a construír o seu plantel para a nova tempada, que plo de agora conta coas renovacións xa confirmadas de Cristian Iglesias, Anxo Casais, Pablo Díaz e Fabio Canitrot.