Mañá comezan as Xornadas Pacegas no Museo Pazo de Tor de Monforte
A Rede Museística Provincial anima a participar nesta terceira edición das Xornadas Pacegas que se celebrarán os días 2 e 3 de marzo no Museo Pazo de Tor de Monforte e que afondarán na representación feminina nos estudos históricos e na incorporación desde legado aos proxectos de recuperación do patrimonio.
Constanza de Castro, Catarina de Santiso e María Paz de Taboada, figuras femininas vinculadas á Torre de Caldaloba, á Fortaleza de San Paio de Narla e ao Pazo de Tor , son o fío condutor das xornadas, que levan por título 'Conflitividade feminina, herdanza e patrimonio: Caldaloba, Narla e Tor'.
O encontro incorpora a perspectiva de historiadoras que centran a súa actividade investigadora no estudo das mulleres na Idade Media e Moderna – Mónica Fernández Armesto, Raquel Iglesias Estepa, Tamara González e Ana Sixto Barcia – ou representantes de colectivos culturais ligados á posta en valor de bens patrimoniais -Alberte Ansede da Casa Museo Manuel María e Dolores López da Asociación Carballo Vivo-.
A coordinadora das Xornadas e responsable da Rede Museística Encarna Lago sinalou “que recurrimos a tres figuras femininas vinculadas ao patrimonio provincial para artellar estas xornadas que se inscriben na liña de traballo que se ven desenvolvendo desde os museos para que o coñecemento histórico vinculado á historia das mulleres saia á rúa”.
As persoas interesadas en participar poden anotarse no enderezo electrónico concertacionsrmpl@gmail.com. A Rede Museística poñerá a disposición das persoas asistentes un servizo de autobús desde Lugo.
Programa
- Xoves, 2 de marzo
Recepción e benvida a cargo de Tareixa Antía Ferreiro Tallón, vicepresidenta da Deputación Provincial de Lugo, e Encarna Lago González, xerente da Rede Museística Provincial de Lugo.
Dolores López da Asociación Carballo Vivo: Experiencia dunha muller activista na conservación recuperación e posta en valor do patrimonio.
Alberte Ansede, presidente da Fundación e Casa-Museo Manuel María: 'O papel da sociedade civil na recuperación do patrimonio: o caso de Caldaloba'.
Antón Meilán García, catedrático emérito da Universidade de Oviedo, autor do libro Dona Constanza de Castro toma a Fortaleza de Vilaxoán: 'Dona Beatriz e Constanza de Castro, as fillas rebeldes de Pardo de Cela'.
Simón Vicente, auxiliar de sala da Rede Museística Provincial de Lugo: 'Mulleres serpe, sereas e dragóns: os casos de Tor e Narla'.
- Venres, 3 de marzo
Mónica Fernández Armesto, doutora, profesora do Departamento de Historia da USC: 'Galegas litigantes perante a xustiza senhorial no Antigo Réxime'.
Raquel Iglesias Estepa, doutora en Historia: 'A conflitividade femenina nas fontes xudiciais do Antigo Rexime'.
Tamara González López, doutora, profesora do Departamento de Historia da UDC: 'Herdanzas, dotes e mandas: a loita das fidalgas polo patrimonio familiar (ss. XVIII-XIX)'.
Ana Sixto Barcia, doutora, profesora do Departamento de Historia da USC: 'Condenadas ao esquecemento. Os conflitos en torno ás vocacións forzadas na Galicia de época moderna'.
- Sábado, 4 de marzo
Soterradas en liña: Mesa debate en liña sobre a as desigualdades de clase e de ciclos de vida.