A Escola de Música do Xeoparque comeza un novo curso
A Escola de Música do Xeoparque Montañas do Courel comeza un novo curso con formacións dirixidas a persoas de todas as idades. O prazo de inscrición xa está dispoñible e manterase aberto durante todo o curso.
A oferta académica inclúe instrumentos como guitarra, baixo, piano e teclado, batería, ademais de canto e teoría musical. Así mesmo, o alumnado poderá acceder ás probas RSL, que permiten obter certificacións oficiais en música moderna con recoñecemento internacional.
As clases estarán impartidas por catro docentes especializados e concentraranse os xoves pola tarde, entre as 17:00 e as 21:00 horas, nas sedes de Quiroga e Ribas de Sil. Quen desexe participar poden apuntarse a través do teléfono 982 874 976 ou escribindo a info@escolamusicamoderna.es