A Xunta apoia unha nova edición do Sacra Festival cunha axuda de 280.000 euros
O Sacra Festival volve os días 15 e 16 de agosto á Ribeira Sacra, co apoio da Xunta de Galicia como unha das 13 propostas seleccionadas na convocatoria de festivais de artes escénicas, dotada con 280.000 euros. O evento celebrarase en Pincelo (Chantada), xunto ao río Miño, cunha programación que combina música, teatro, danza e actividades comunitarias.
O cartel desta edición inclúe artistas como Niño de Elche, Dulzaro, Beauty Venera, La Última Frontera, a actriz Alma García ou a bailarina Janet Novás, entre outros. Ademais dos concertos, presentaranse os resultados dos talleres e residencias artísticas desenvolvidos ao longo do ano no marco do proxecto Sacra Experience, centrado na dinamización cultural do medio rural.
As actividades terán lugar en espazos naturais como Pincelo e Carballolandia.