A DO Ribeira Sacra rexistra máis de 300.000 quilos de uva ao inicio da vendima
Ata o 7 de setembro de 2025 recolléronse un total de 305.718 quilos de uva na zona, con 26 adegas activas, 2 xa finalizadas e 65 pendentes de iniciar a vendima, segundo informa o Consello Regulador da Denominación de Orixe Ribeira Sacra.
En canto ás variedades, as uvas tintas alcanzan 97.989 quilos, sendo a Mencía a predominante con 85.715 quilos, acompañada de Garnacha, Brancellao e Merenzao. Pola súa parte, as uvas brancas suman 207.729 quilos, con Godello como variedade maioritaria, con 189.623 quilos, seguidas de Albariño, Treixadura e Dona Branca.
O Consello Regulador subliña a importancia da vendima tanto para o desenvolvemento vitivinícola como para a economía da Ribeira Sacra e explica que os datos se irán actualizando de forma semanal para garantir o seu “compromiso coa transparencia”.