Deportes

A proba terá lugar os días 29, 30 e 31 de maio cun trazado que pasará por Xunqueira de Espadanedo, Parada de Sil, Esgos e Pereiro de Aguiar

A Ribeira Sacra MTB regresa o último fin de semana de maio cun formato de tres etapas que percorrerán distintos puntos do territorio, combinando distancia e desnivel nun evento deportivo de montaña.

A proba dará comezo o venres 29 de maio coa primeira etapa en Xunqueira de Espadanedo, cun percorrido de 14 quilómetros e 400 metros de desnivel positivo. A segunda xornada disputarase o sábado 30 de maio, con saída e chegada en Parada de Sil. Esta será a etapa máis esixente, con 67 quilómetros de percorrido e 1.900 metros de desnivel positivo.

O evento finalizará o domingo 31 de maio coa terceira etapa entre Esgos e Pereiro de Aguiar, cun regreso de novo a Esgos, nun trazado de 45 quilómetros e 1.000 metros de desnivel positivo.